،،، دموع القلب ،،، جنيت اعله الفتحلك سبع بيبان وتلكاك رادك تسكن بروحه مثل طفل ذبحتني بليلة العيد مشيت ودمعتي بلياك مفضوحه تفلش كلشي بيه تحول رماد شتفيد الخريطه النصها ممسوحه حرامات العنب يتعب علي فلاح يكبر والثمر ما يكدر ايلوحه على صوت البلابل تطرب الناس ما يدرون بيهه تغني مجروحه اذا ضاع الجبل تحزن علي لنسور لأن جان الوطن وتنام بسفوحه ما جنت انه اضنك اخرس اتصير دليلي ينوح ما تسمع ولك نوحه اهتز كلي لو مراني طرواك يرندحني البعد وانكلب مرجوحه جن اسمك صبح بسمار معووج يدك بعضامي دكت غشمه باللوحه من يوم المشيت وحنضل الزاد واحس العسل شايل كومت ملوحه مرني ولا تخلي براسك بليس ترى جروحي ثكيله وصارن هواي كبر حزني لحد ما صار احزان وكام ابكل صلافه اينام وياي بين الموت شعره ويمكن اطيح انه العطشان ونته الشايل الماي تعال بجفي يالله شبيك يا سيف وك الفركه صعبه وكسرت كفاي على دمعي اليتامه عيون يبجون صرت فرجه انه بين الرايح او جاي يمه راسي وجعني وكومي شدي علي ترعد مصايب حيل دنياي .....